اعجبتنى فنقلتها لكم

بسم الله الرحمن الرحيم
اليوم جايبلكم قصيده مررررررررره عجبتي أتمنى تعجبكم يالغوالي

لايومي بيوم ٍ ولا ليلي بليل...

ولا السـّعد مقبل ولا الهم زايل...

ماغير ازم هموم واحط واشيل...

ولاراح منها هم جاله بدايل...

تدرون يالعربان وشهي البهاذيل..؟؟

فرقى وليف وحظ مامن صمايل!!

الوصل نعمه والمفارق غرابيل ..

ياحظ ليتك تعتدل ماتمايل....

لامن بغيت اعدّلك ترجع تميل...

كنـّك تقول اعيش واموت مايل..

والمهرة اللي ماتعيـّن مع الخيل...

من دونها تقصر جميع الأصايل...

من دونها ضاعت عقول الحلاحيل..

وتضاربت فيها سلوم القبايل..

ياشيب عيني يوم قفّت وانا اخيل...

دموعها وبلٍ على الخد سايل..

وانا اتصبـّر وازهم العقل والحيل...

والقلب يشكي للضلوع النحايل..

اصبر مثل صبر الرجال المشاكيل..

واخبـّي جروح الزمن واتحايل...

لن الردي والهيس وخبل الرجاجيل ..

تفرح لا وراني الزمان الهوايل..

وانا اترفع واترك القال والقيل...

واجبر عزى قلبٍ على الموت آيل...

وشب نار الشوق وارهي المعاميل..

واريـّح اعصابي ببدع المثايل..

ولاّ الغلا ماعاد يحتاج تفصيل..

لنـّه موريني نجوم القوايل..

ياللي غيابك حط بالقلب تنكيل ..

ويلي على قربك ولاني بطايل..

لاغاب صوتك ماتفيد المراسيل ...

وفر على الجوال كثر الرسايل..

والله لو تاخذ لدمي تحاليل..

تلقاك بالجينات صايل وجايل..

حبك تعدى حب الاكراد لأربيل..

الاّ تعدى حب شمر لحايل..


صبيت حبك مثل صب الفناجيل..

وين الجليله تشرب اشواق وايل..

ياللي تواعدني من اسهيل لسهيل..

والشوق في قلبي مسوي عمايل..

ليتك تبادلني الغلا والمواصيل..

وترد لي بعض الوفا والجمايل..

تعبت من قولة ظروف وعراقيل..

وتعبت من قولة ياقل الوسايل..

لاقلت انا احبك ومشتاق بالحيل..

تقول لي جعل العوض فالموبايل..

غديت انا وياك مثل المهابيل..

واشباهنا فالوقت هذا قلايل..

وسلامتكم
مــــــنقول